23. maí 2025
Magnús Björnsson látinn
Magnús Björnsson, fyrrum starfsmaður Landsbankans á Akureyri, lést 5. maí sl. og er jarðsunginn frá Akureyrarkirkju í dag, 23. maí.
Magnús fæddist á Ísafirði 1. nóvember 1928. Hann var sonur hjónanna Ingibjargar Jónsdóttur, húsmóður, og Björns Magnússonar, símstöðvarstjóra og útgerðarmanns á Ísafirði. Systkini Magnúsar voru Jón, Guðrún og Guðný sem öll eru látin.
Magnús var yngstur fjögurra systkina og ólst upp á Ísafirði fyrstu æviárin. Þegar hann var á fjórða ári missti hann föður sinn og í kjölfarið flutti móðir hans með hann og systur hans Guðnýju til Akureyrar en tvö eldri systkinin Jón og Guðrún voru flutt að heiman.
Magnús útskrifaðist frá Samvinnuskólanum 1946. Fyrst starfaði hann við bókaverslun Axels Kristjánssonar en síðan ráðinn til Landsbanka Íslands þar sem hann starfaði þar í 42 ár, allt til vors 1997 þegar Magnús var kominn fast að sjötugu.
Magnús fæddist á Ísafirði 1. nóvember 1928. Hann var sonur hjónanna Ingibjargar Jónsdóttur, húsmóður, og Björns Magnússonar, símstöðvarstjóra og útgerðarmanns á Ísafirði. Systkini Magnúsar voru Jón, Guðrún og Guðný sem öll eru látin.
Magnús var yngstur fjögurra systkina og ólst upp á Ísafirði fyrstu æviárin. Þegar hann var á fjórða ári missti hann föður sinn og í kjölfarið flutti móðir hans með hann og systur hans Guðnýju til Akureyrar en tvö eldri systkinin Jón og Guðrún voru flutt að heiman.
Magnús útskrifaðist frá Samvinnuskólanum 1946. Fyrst starfaði hann við bókaverslun Axels Kristjánssonar en síðan ráðinn til Landsbanka Íslands þar sem hann starfaði þar í 42 ár, allt til vors 1997 þegar Magnús var kominn fast að sjötugu.
Á yngri árum var Magnús mikill íþróttamaður og lagði stund á margar íþróttagreinar. Hann keppti m.a. í frjálsum íþróttum, fimleikum og handknattleik fyrir hönd KA. Magnús gegndi formennsku í KA 1951-1952, hann var alla tíð mikill áhugamaður um það félag og gengi þess og studdi við framgang félagsins. Magnús var virkur í starfi Sjálfstæðisflokksins og sat í ýmsum ráðum og nefndum á vegum flokksins. Hann átti langan starfsaldur í Frímúrarareglunni á Akureyri og gegndi þar trúnaðarstörfum. Þá var hann formaður Félags verslunar- og skrifstofufólks á Akureyri 1953-1954.
Magnús kvæntist 1953 Þórunni Sigurbjörnsdóttur, f. 12.2. 1932 á Akureyri, hún starfaði lengst af við kennslu í Barnaskóla Akureyrar. Þórunn var líkt og Magnús virk í félagsstarfi Sjálfstæðisflokksins á Akureyri um áratugaskeið. Þórunn er dóttir Sigurbjörns Þorvaldssonar bifreiðastjóra, og Steinunnar Ingibjargar Jónsdóttur húsmóður.
Börn Magnúsar og Þórunnar eru: Björn, Steinar, Sigríður Margrét og Guðmundur. Barnabörnin eru tíu og langafabörnin eru einnig tíu talsins. Björn, sonur Magnúsar og Þórunnar, var formaður fulltrúaráðs sjálfstæðisfélaganna á Akureyri í tæpan áratug og sat einnig í nefndum og ráðum fyrir flokkinn rétt eins og foreldrar hans.
Sjálfstæðismenn á Akureyri minnast Magnúsar Björnssonar með hlýhug og þakka fyrir áratugastörf hans í þágu Sjálfstæðisflokksins. Fjölskyldu Magnúsar færum við innilegar samúðarkveðjur. Blessuð sé minning Magnúsar Björnssonar.
Stefán Friðrik Stefánsson
ritstjóri Íslendings
