Tími hinna breiðu spjóta

Í grein fjallar Þorgerður Katrín Gunnarsdóttir, alþingismaður, um tíma hinna breiðu spjóta í landsdómsmálinu þar sem ráðist hefur verið að þingræðinu. Vegna einurðar forseta þingsins hafi foringjaræðið látið undan - sem gjarnan var gagnrýnt á síðustu misserum og talsmenn Nýja Íslands innan og utan þings hafa talið eitt stærsta vandamál íslenskra stjórnmála, fram að þessu.

Ótrúleg ósvífni forsætisráðherra

Í grein fjallar Ragnheiður Elín Árnadóttir, þingflokksformaður Sjálfstæðisflokksins, um lítt dulbúnar hótanir Jóhönnu Sigurðardóttur, forsætisráðherra, í garð Ástu Ragnheiðar Jóhannesdóttur, forseta Alþingis, í fjölmiðlum. Aðför Jóhönnu veki enn meiri athygli í ljósi þess að sem stjórnarandstöðuþingmaður hrópaði hún hátt um mikilvægi sjálfstæðis Alþingis sem stofnunar.

Tækifæri til að leiðrétta mistök

Í grein fjallar Bjarni Benediktsson, formaður Sjálfstæðisflokksins, um umræðu á Alþingi um landsdómsmálið í dag og tillögu um afturköllun á ákæru á hendur Geir H. Haarde, fyrrum forsætisráðherra. Að mati Bjarna er tækifæri til að leiðrétta mistök í þingferlinu með atkvæðagreiðslu og umræðu um málið í dag.

Tækifæri til að breyta rétt

Í grein fjallar Hanna Birna Kristjánsdóttir, oddviti borgarstjórnarflokks Sjálfstæðisflokksins í Reykjavík, um landsdómsákæru á hendur Geir H. Haarde. Að mati Hönnu getur hvorki Alþingi né einstakir stjórnmálamenn krafist þess að uppgjörið fari fram annars staðar, síst af öllu í lokuðum dómsölum með málsókn gegn einum manni. Það sé rangt og því rétt að þingmenn breyti rétt.

Víst hefur skattbyrði allra þyngst…

Í grein fjallar Tryggvi Þór Herbertsson, alþingismaður, að nýju um skattbyrði eftir svar Oddnýjar G. Harðardóttur, fjármálaráðherra. Tryggvi bendir á að skattbyrðin hafi þyngst en fjármálaráðherra að hún sé léttari. Ástæðan er einföld: fjármálaráðherra gerir í samanburði sínum ráð fyrir óverðbættum persónufrádrætti sem er rangt að gera.

Stjórnmálin, efnahagsástandið og framtíðin

Spjallfundur með Kristjáni Þór Júlíussyni, alþingismanni og oddvita Sjálfstæðisflokksins í Norðausturkjördæmi, verður haldinn í Kaupangi fimmtudaginn 19. janúar nk. kl. 20:00. Rætt um landsmálin; stjórnmál við upphaf þinghalds, efnahagsástandið og framtíðina.

Áheyrnarfulltrúar í nefndum Akureyrarbæjar

Á bæjarstjórnarfundi í dag voru kjörnir áheyrnarfulltrúar í nefndir Akureyrarbæjar. Öll framboð fá nú seturétt í nefndum, utan þeirra sem þeir hafa kjörna aðalmenn í. Sjálfstæðisflokkurinn tilnefndi áheyrnarfulltrúa í þær fimm nefndir sem hann hefur ekki átt beina þátttöku í frá kosningunum 2010.

Skattbyrði allra hefur þyngst…

Í grein fjallar Tryggvi Þór Herbertsson, alþingismaður Sjálfstæðisflokksins í Norðausturkjördæmi, um skattbyrði í valdatíð vinstristjórnarinnar. Bendir Tryggvi á þá augljósu staðreynd að laun flestra Íslendinga hafi lækkað umtalsvert á síðustu árum og þar með skattbyrði þeirra. Stjórnvöld hafi heykst á því verkefni að koma atvinnulífinu af stað sem er forsenda framþróunar lífskjara.

Bæjarmálafundur 16. janúar

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 16. janúar kl. 20:30 (ath. breyttan fundartíma). Ólafur Jónsson og Njáll Trausti Friðbertsson flytja framsögu um bæjarmálin. Rætt verður t.d. um skipan áheyrnarfulltrúa Sjálfstæðisflokksins í nefndum Akureyrarbæjar. Gestur fundarins verður Tryggvi Þór Herbertsson, alþingismaður, sem mun flytja ræðu um landsmálin.

Dagskrá bæjarmálafunda

Fyrsti bæjarmálafundur Sjálfstæðisflokksins á Akureyri á nýju ári verður mánudaginn 16. janúar nk. Sú nýbreytni verður á fundunum nú að sjálfstæðisfélögin munu sjá um umsjón þeirra. Við birtum hér dagskrá fundanna á árinu 2012.