Að loknum aðalfundi Varnar, félags sjálfstæðiskvenna á Akureyri

Aðalfundur Varnar, félags sjálfstæðiskvenna á Akureyri, var haldinn í Kaupangi síðdegis í dag. Svava Þ. Hjaltalín var endurkjörin formaður Varnar. Svava hefur setið í stjórn Varnar frá árinu 2011, var varaformaður 2011-2012 og formaður frá 2012.

Auk Svövu voru kjörnar í aðalstjórn: Gerður Ringsted, varaformaður, Auður B. Ólafsdóttir, Emilía Bára Jónsdóttir og Heiðrún Ósk Ólafsdóttir. Í varastjórn voru kjörnar: Alma Axfjörð, Aníta Pétursdóttir og Sigríður Margrét Jónsdóttir.


Nýkjörinni stjórn Varnar er óskað til hamingju með kjörið og góðs gengis í félagsstörfum á næsta starfsári.