Kosningar í dag - kosningakaffi og kosningavaka

Akureyringar ganga að kjörborðinu í dag og kjósa sér ellefu manna bæjarstjórn. Kjörstaðir í sveitarfélaginu eru í Verkmenntaskólanum á Akureyri, í Hríseyjarskóla og í hreppshúsinu í Grímsey.

Akureyrarkaupstað verður skipt í 12 kjördeildir, 10 á Akureyri, ein í Hrísey og ein í Grímsey. Skipting kjósenda í kjördeildir er eftir búsetu. Kjörfundur hefst á Akureyri, í Hrísey og í Grímsey klukkan 9:00 og lýkur honum klukkan 22:00.  Kjörstaðir í Hrísey og Grímsey verða að lágmarki opnir til kl. 17:30 nema allir á kjörskrá hafi kosið fyrir þann tíma.

Kosningakaffi Sjálfstæðisflokksins verður á kosningaskrifstofunni okkar að Strandgötu 3, milli kl. 12:00 og 18:00 . Hið rómaða heimabakaða brauð sjálfstæðiskvenna - hlý og góð kosningastemmning. Allir hjartanlega velkomnir til okkar.

Kosningavaka verður á kosningaskrifstofunni okkar að Strandgötu 3, frá kl. 22:00 og þar til úrslitin liggja fyrir. Fyrstu tölur liggja fyrir um kl. 22:30. Allir velkomnir.

Boðið er upp á akstur fyrir þá sem það vilja - þeir sem vilja akstur hringi í nr. 8694610.