Kjörstaðir í sveitarstjórnarkosningunum 14. maí
Akureyringar ganga að kjörborðinu laugardaginn 14. maí og kjósa sér ellefu manna bæjarstjórn. Kjörstaðir í sveitarfélaginu eru í Verkmenntaskólanum á Akureyri, í Hríseyjarskóla og í Grímseyjarskóla.
Akureyrarbæ er skipt í 12 kjördeildir; 10 á Akureyri, ein í Hrísey og ein í Grímsey. Skipting kjósenda í kjördeildir er eftir búsetu. Kjörfundur hefst á Akureyri, í Hrísey og í Grímsey klukkan 9:00 og lýkur honum klukkan 22:00. Kjörstaðir í Hrísey og Grímsey verða að lágmarki opnir til kl. 17:30 nema allir á kjörskrá hafi kosið fyrir þann tíma.
Boðið er upp á akstur fyrir þá sem það vilja - þeir sem vilja akstur hringi í nr. 863-7661.
Á Akureyri er kosið utankjörfundar á Glerártorgi milli kl. 10:00-17:00 og á höfuðborgarsvæðinu er kosið utankjörfundar í Holtagörðum (gamla Miklagarði) milli kl. 10:00 - 17:00. Eftir kosningu syðra þarf að koma atkvæði í Valhöll sem kemur þeim rétta leið.
