Félagsgjöld hjá Sjálfstæðisflokknum á Akureyri

Á næstu dögum birtast kröfur fyrir félagsgjöldum í netbanka allra þeirra sem skráðir eru í flokkinn hérna á Akureyri.

Á síðasta aðalfundi var ákveðið að gjaldið skyldi haldast óbreytt, 4.500 kr.

Um er að ræða valkörfu sem mun falla niður sjálfkrafa hafi hún ekki verið greidd á eindaga, sem er 31. desember 2025.

Félagsgjöldin eru gríðarlega mikilvæg til að halda áfram úti öflugu flokksstarfi en þau eru til að mynda grundvöllur fyrir því að við getum haldið úti heimasíðu sjálfstæðisfélaganna á Akureyri, islendingur.is. Þess ber að geta að síðan var nýlega uppfærð og var útgáfuhóf þar sem uppfærslu síðunnar var fagnað á sumardaginn fyrsta sl.

Þá eru sveitarstjórnarkosningar á næsta ári og ætlum við Sjálfstæðismenn okkur stóra hluti í kosningunum, halda áfram að leiða í sveitarfélaginu og reka trausta fjármálastjórn samhliða öflugri uppbyggingu.

Við hvetjum því alla til að greiða gjöldin við fyrsta tækifæri og auðvitað til að mæta á næsta fund og hafa gaman.