Gunnar tekur sæti í stjórn Norðurorku

Gunnar Gíslason, oddviti Sjálfstæðisflokksins á Akureyri, var kjörinn í stjórn Norðurorku á aðalfundi fyrirtækisins á föstudag. Varamaður hans í stjórninni var kjörin Eva Hrund Einarsdóttir, bæjarfulltrúi. Eva Hrund hefur verið varamaður flokksins í stjórninni allt þetta kjörtímabil. 

Njáll Trausti Friðbertsson, alþingismaður, sem setið hefur í stjórn fyrirtækisins af hálfu Sjálfstæðisflokksins frá árinu 2011, vék úr stjórninni á fundinum.

Með því lýkur þátttöku Njáls Trausta á vettvangi bæjarmálanna, en hann lét af störfum bæjarfulltrúa um áramót.