Fréttir

Berglind Ósk Guðmundsdóttir, 24 ára meistaranemi í lögfræði við Háskólann á Akureyri, skipar 5. sætið á listanum okkar - öflugur fulltrúi ungs fólks í lykilsæti í kosningunum í vor. Hér fer Berglind Ósk yfir helstu áherslumál Sjálfstæðisflokksins í málefnum ungs fólks.

Með hækkandi hlutfalli eldri borgara í samfélaginu er nauðsynlegt að huga að heilsueflingu þeirra. Þórhallur Harðarson, frambjóðandi í 6. sæti, fer yfir stefnu Sjálfstæðisflokksins, til heilsueflingar eldri borgara, sem er eitt áherslumála í stefnuskrá okkar.

Þá er loksins komið að því! Konukvöld Sjálfstæðiskvenna á Akureyri verður haldið föstudaginn 11. maí í Pakkhúsinu kl. 19:00 Hin æðislega Sigga Kling mætir og heldur uppi fjörinu. Léttar veitingar í boði Allar konur velkomnar!

Fjölskyldubærinn Akureyri hefur ekki staðið undir nafni síðustu misseri ef marka má könnun Gallup á viðhorfi bæjarbúa til þjónustu leikskóla. Eva Hrund Einarsdóttir, bæjarfulltrúi, fer yfir það hvað veldur og hverju við sjálfstæðismenn viljum breyta til betri vegar.

Bæjarmálafundur Sjálfstæðisflokksins á Akureyri verður haldinn í kosningaskrifstofu flokksins í Kaupvangsstræti 1, 2. hæð, kl. 17:30 mánudaginn 7. maí kl. 17:30. Rætt um ársreikning Akureyrarbæjar 2017, stefnuræðu formanns velferðarráðs, viðauka um fjárhagsáætlun 2018, skipulagsmál, fjármálaáætlun ríkisstjórnar og farið yfir stöðuna í kosningabaráttunni þegar 19 dagar eru til kosninga. Sjálfstæðismenn á Akureyri eru hvattir til að mæta og ræða bæjarmálin.

Kosningabaráttan hefst nú af fullum krafti. Gunnar Gíslason, oddviti Sjálfstæðisflokksins á Akureyri, fer hér yfir baráttuna framundan og helstu málefni sem við sjálfstæðismenn leggjum áherslu á.

Ungir Sjálfstæðismenn bjóða til Menningarveislu á Pósthúsbarnum nk. föstudag, 4. maí, kl. 20:00. Alda Karen, sölu- og markaðsstjóri Ghostlamp í New York, ætlar að halda léttan fyrirlestur fyrir okkur en hún fyllti nýlega Eldborgarsal Hörpu þegar hún var með námskeiðið LIFE- Masterclass. Ungir frambjóðendur ætla að kynna helstu áherslumál unga fólksins á Akureyri. Stefán Haukur ætlar að trúbba og trylla lýðinn 🎉 Beer pong og fleira! Boðið verður upp á drykki á meðan birgðir endast! ATH! 18 ára aldurstakmark. Allir velkomnir!