Allar fréttir

Aðalfundur kjördæmisráðs Sjálfstæðisflokksins í Norðausturkjördæmi verður haldinn í Menningarhúsinu Hofi á Akureyri laugardaginn 3. september nk. kl. 13:00.

Miðstjórn Sjálfstæðisflokksins hefur ákveðið að 44. landsfundur Sjálfstæðisflokksins fari fram í Laugardalshöll dagana 4. – 6. nóvember nk. 

Málefnasamningur Sjálfstæðisflokks, L-lista og Miðflokks í bæjarstjórn Akureyrar kjörtímabilið 2022-2026 var kynntur og undirritaður á kaffihúsinu LYST í Lystigarðinum á Akureyri í dag. Í samningi framboðanna kemur fram að stefnt sé að því að stórauka lóðaframboð, komið verður á laggirnar lýðheilsustyrk fyrir tekjulágt og eignaminna eldra fólk og dregið úr kostnaðarþáttöku foreldra og forráðamanna í leik- og grunnskólum svo dæmi séu nefnd.

Boðað er til fundar í fulltrúaráði sjálfstæðisfélaganna á Akureyri í Sjallanum þriðjudaginn 31. maí kl. 20:00. Á fundinum verður málefnasamningur og meirihlutasamstarf Sjálfstæðisflokks, L-lista og Miðflokks í bæjarstjórn Akureyrarbæjar kjörtímabilið 2022-2026 kynnt.

Sjálfstæðisflokkur, L-listi Bæjarlisti Akureyrar og Miðflokkur hafa myndað meirihluta í bæjarstjórn Akureyrar. Saman hafa framboðin sex fulltrúa í bæjarstjórn. Ásthildur Sturludóttir verður áfram bæjarstjóri. Málefnasamningur og nánari verkaskipting verða kynnt 1. júní.

Málfundafélagið Sleipnir boðar til umræðufundar í Sjallanum laugardaginn 21. maí kl. 11:00. Njáll Trausti Friðbertsson, oddviti Sjálfstæðisflokksins í Norðausturkjördæmi, og Þorvaldur Lúðvík Sigurjónsson, framkvæmdastjóri NiceAir, flytja framsögu og svara fyrirspurnum. Rætt um uppbyggingu Akureyrarflugvallar, ferðaþjónustuna á Norður- og Austurlandi og NiceAir - kynning á fyrirtækinu og framtíðaráhorfum þess. Allir velkomnir - heitt á könnunni.

"Þá er þessari lærdómsríku og skemmtilegu kosningabaráttu lokið. Á bakvið Sjálfstæðisflokkinn á Akureyri er ótrúlega flottur hópur af frábæru fólki sem lagði á sig gríðarlega mikla vinnu fyrir okkur Sjálfstæðismenn, fyrir það erum við þakklát. Við viljum þakka öllum þeim sem sýndu okkur stuðning, takk fyrir traustið." Heimir Örn og Lára Halldóra.