Allar fréttir

Aðalfundur fulltrúaráðs sjálfstæðisfélaganna á Akureyri verður haldinn í Kaupangi fimmtudaginn 28. febrúar nk. kl. 20:00. Á dagskrá eru venjuleg aðalfundarstörf. Seturétt á fundinum hafa þeir sem hafa verið til þess kjörnir á aðalfundum sjálfstæðisfélaganna á Akureyri.

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 18. febrúar nk. kl. 17:30. Rætt verður td um stefnuræðu formanns Akureyrarstofu, framtíðarsýn í almenningssamgöngum á Akureyri og skipulagsmál. Sjálfstæðismenn á Akureyri eru hvattir til að mæta og ræða bæjarmálin.

Aðalfundur Varnar, félags sjálfstæðiskvenna á Akureyri verður haldinn í Kaupangi miðvikudaginn 20. febrúar nk. kl. 17:00. Á dagskrá eru venjuleg aðalfundarstörf, í blandi við kaffi og kökur. Við bjóðum nýjar félagskonur sérstaklega velkomnar.

Aðalfundur Sjálfstæðisfélags Akureyrar var haldinn í Kaupangi í kvöld. Anna Rósa Magnúsdóttir var endurkjörin formaður félagsins.

Mánudaginn 11. febrúar kl. 12:00 verður þingflokkur Sjálfstæðisflokksins með súpufund í Menningarhúsinu Hofi. Þar gefst fólki einstakt tækifæri til að hitta alla þingmenn flokksins og ræða það sem skiptir máli.

Aðalfundur Varðar, félags ungra sjálfstæðismanna á Akureyri, var haldinn í Kaupangi á þriðjudagskvöld. Ívar Breki Benjamínsson var kjörinn formaður Varðar - Ívar hefur gegnt formennsku í félaginu síðan í haust.

Aðalfundur Málfundafélagsins Sleipnis var haldinn í Kaupangi á fimmtudagskvöld. Stefán Friðrik Stefánsson var endurkjörinn formaður Sleipnis - hann hefur gegnt formennsku frá 2011 og var áður varaformaður og ritari Sleipnis auk þess að vera formaður Varðar.