Fréttir

Spjallfundur verður á kosningaskrifstofunni í Strandgötu 3 laugardaginn 10. maí kl. 11:00 til 13:00. Fundarefnið: vöxtur í ferðaþjónustunni og tækifærin framundan. Framsögur flytja: Steingrímur Birgisson, forstjóri Hölds - Bílaleigu Akureyrar, og Sævar Freyr Sverrisson, framkvæmdastjóri Saga Travel. Njáll Trausti Friðbertsson, frambjóðandi í 3. sæti á lista Sjálfstæðisflokksins á Akureyri, kynnir áherslur framboðsins.

Baldvin Valdemarsson, verkefnastjóri og frambjóðandi í 5. sæti, fjallar í grein um mikilvægi þess að tala um stjórnmál og glæða um leið áhuga á þeim. Stjórnmál eigi að vera skemmtileg.

Íslendingur, blað fulltrúaráðs sjálfstæðisfélaganna, er komið út. Í blaðinu eru myndir úr starfinu og kynningar á sjö efstu frambjóðendum á lista Sjálfstæðisflokksins á Akureyri, fyrir sveitarstjórnarkosningar 31. maí nk, undir heitinu Hin hliðin. Stefán Friðrik Stefánsson, ritstjóri Íslendings, lagði fyrir frambjóðendur fjölbreyttar spurningar sem snúast í senn bæði um stjórnmál og það sem stendur frambjóðendum nærri persónulega.

Bæjarmálafundur Sjálfstæðisflokksins á Akureyri verður haldinn á kosningaskrifstofunni að Strandgötu 3 mánudaginn 5. maí kl. 20:00. Rætt t.d. um miðbæjarskipulag, Glerárvirkjun, 3. áfanga Naustahverfis - Haga, og seinni umræða um ársreikning Akureyrarbæjar. Nefndarmenn og áheyrnarfulltrúar gera grein fyrir stöðu mála í nefndum. Farið yfir stöðuna í kosningabaráttunni. Sjálfstæðismenn á Akureyri eru eindregið hvattir til að mæta og ræða bæjarmálin.

Slagorð Sjálfstæðisflokksins á Akureyri í sveitarstjórnarkosningum 31. maí nk. er Okkar Akureyri. Í grein fjallar Eva Hrund Einarsdóttir, sem skipar 2. sætið á framboðslista Sjálfstæðisflokksins, um slagorðið og þau baráttumál sem munu einkenna Okkar Akureyri í vor.