Fréttir

Á fundi stjórnar Varðar, f.u.s á Akureyri, í kvöld var Axel Þórhallsson kjörinn varaformaður félagsins, eftir að Ingvar Leví Gunnarsson lét af varaformennsku og vék úr aðalstjórn. Baldvin Jónsson tekur sæti í aðalstjórn en Ingvar fer í varastjórn félagsins í stað Baldvins.

Miðstjórn hefur ákveðið að 42. landsfundur Sjálfstæðisflokksins verði haldinn í Laugardalshöll 23. til 25. október nk.

Valgerður Gunnarsdóttir, alþingismaður Sjálfstæðisflokksins í Norðausturkjördæmi, er sextug í dag. Sjálfstæðismenn á Akureyri óska henni innilega til hamingju með stórafmælið.

Pét­ur H. Blön­dal, alþingismaður Sjálfstæðisflokksins í Reykjavík, lést að kvöldi 26. júní, 71 árs að aldri. Pétur hafði setið sem þingmaður Reykvíkinga frá árinu 1995.

Halldór Halldórsson, blaðamaður, lést 11. júní sl. Halldór var ritstjóri Íslendings, blaðs Sjálfstæðisflokksins á Akureyri, á árunum 1982-1984.

Hátíðarfundur var haldinn í bæjarstjórn Akureyrar í dag í tilefni 100 ára kosningaréttar kvenna 19. júní nk. Fundinn sátu aðeins kvenkyns aðal- og varamenn í bæjarstjórn. Konum sem setið hafa í bæjarstjórn gegnum tíðina var boðið sérstaklega til fundarins af þessu tilefni. Eva Hrund Einarsdóttir, Bergþóra Þórhallsdóttir og Þórunn Sif Harðardóttir sátu fundinn sem bæjarfulltrúar Sjálfstæðisflokksins.

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 15. júní kl. 17:30. Bæjarfulltrúar flytja framsögu um bæjarmálin - nefndarmenn gera grein fyrir stöðu mála í sínum nefndum. Sjálfstæðismenn á Akureyri eru eindregið hvattir til að mæta og ræða bæjarmálin.