Flokksráðsfundur Sjálfstæðisflokksins í dag

Bjarni Benediktsson, fjármálaráðherra og formaður Sjálfstæðisflokksins, setti flokksráðsfund Sjálfstæðisflokksins með yfirlitsræðu sinni kl. 12:30 í dag á Hilton Reykjavík Nordica.

Eftir setningarræðu Bjarna ræddi fundurinn um nýjar áskoranir í öryggis- og varnarmálum þar sem Geir H. Haarde, fyrrum forsætis- og utanríkisráðherra og formaður Sjálfstæðisflokksins, Þórdís Kolbrún Reykfjörð Gylfadóttir, varaformaður Sjálfstæðisflokksins og utanríkisráðherra, og Bryndís Bjarnadóttir, öryggissérfræðingur, voru með erindi.

Forysta Sjálfstæðisflokksins ræddi að því loknu stjórnmálaviðhorfið og sat fyrir svörum og í lok fundar fór fram málefnavinna og stjórnmálaályktun var afgreidd.

Í kjölfar ræðu formanns og varaformanns var bein útsending frá fundarstað með viðtölum þar sem tekin voru til umræðu ýmis mikilvæg málefni, m.a. efnahagsmál, öryggis- og varnarmál, alþjóðleg vernd, orkumál, nýsköpun, sveitarstjórnarmál og heilbrigðismál. 

Flokksráð Sjálfstæðisflokksins kemur að jafnaði saman annað hvert ár. Síðasti fundur var haldinn árið 2021. Flokksráð fer með næstæðsta vald í málefnum flokksins. Þar er mörkuð stjórnmálastefna flokksins og afstaða til einstakra mála á milli landsfunda.

Dagskrá og aðrar upplýsingar um fundinn má nálgast hér.

Hér má horfa á ræðu Bjarna Benediktssonar, formanns Sjálfstæðisflokksins


Netútsending frá fundinum - viðtöl og ræðuhöld