Stefnumótunarfundur formanna og flokksráðs 28. ágúst
Stefnumótunarfundur formanna og flokksráðs fer fram laugardaginn 28. ágúst 2021. Yfirskrift fundarins er: Ísland, land tækifæranna. Fundir í Norðausturkjördæmi fara fram á Vitanum, Strandgötu 53, á Akureyri og á Hótel Héraði á Egilsstöðum.
Fundurinn hefst kl. 10:00 þar sem þrjár hugveitur verða starfandi fram að hádegi um heilbrigðismál, orkubyltingu og lífeyris- og örorkumál. Eftir matarhlé flytur Bjarni Benediktsson, formaður Sjálfstæðisflokksins, setningarræðu fundarins og í framhaldi af því mun fundurinn ræða stjórnmálaályktun og áherslur flokksins í næstu kosningum til Alþingis.
Fundurinn verður á nokkrum stöðum á landinu og munu fundirnir allir sameinast með rafrænum hætti í einn stóran rafrænan fund sem stýrt verður af yfirfundarstjóra frá einum stað.
- Reykjavík , Hilton Reykjavik Nordica, Suðurlandsbraut 2.
- Ísafjörður , Sjallinn, Hafnarstræti 20.
- Akureyri , Vitinn, Strandgötu 53.
- Egilsstaðir , Hótel Hérað, Miðvangi 1-7.
- Höfn , Sjálfstæðishúsið, Kirkjubraut 3.
- Vestmannaeyjar , Ásgarður, Heimagötu 35.
- Blönduós , Félagsheimilið Húnabraut 6.
Til að taka þátt í fundinum er nauðsynlegt að mæta á einhvern fyrrnefndra staða. Flokksráðs- og/eða formenn geta sótt fundinn hvar sem er á ofangreindum stöðum.
Seturétt á flokksráðs- og formannafundi eiga allir sem aðild eiga að flokksráðinu auk allra formanna félaga og ráða í flokknum. Áætlað er að fundi verði slitið um eða upp úr kl. 16:00.
Nauðsynlegt er að skrá sig á fundinn hér. Til þess að skráning sé gild þarf að greiða skráningargjald, 2.500 kr., sjá hér.
Almennt um fundinn
Fundarsköp fundarins má finna
hér
.
Í hugveitum fyrir hádegi munu fundinum skipt niður á þrjár málstofur þar heilbrigðismál, orkubylting og lífeyris- og örorkumál verða sérstaklega til umræðu, eitt umfjöllunarefni í einu.
Eftir setningu formanns verður ekki um eiginlegt málefnastarf að ræða heldur munu ályktunardrög að stjórnmálaályktun/kosningaáherslum verða lögð fyrir fundinn til umræðu og afgreiðslu. Þau eru unnin í samstarfi samræmingarnefndar og stjórna málefnanefnda út frá þeirri vinnu sem málefnanefndir hafa unnið frá síðasta landsfundi. Um er að ræða helstu stefnumál flokksins í komandi kosningum.
Bein útsending verður til hliðar á fundinum þar sem ýmsir fundarmenn verða teknir tali og fjallað verður um þau málefni sem eru til umfjöllunar á fundinum. Einungis ræðu formanns verður streymt beint af fundinum sjálfum.
Flokksfólk og sérstaklega flokksráðsmenn og formenn eru hvattir til að fara inn á Mínar síður á xd.is (
hér
) og uppfæra tengiliðarupplýsingar um sig til að auðvelda flokknum að eiga samskipti sig. Eins er hægt að sjá þar yfirlit yfir öll trúnaðarstörf í flokknum, þ.m.t. hvort viðkomandi eigi sæti í flokksráði.
