Allar fréttir

Úrslit liggja nú fyrir í alþingiskosningunum 2024. Á landsvísu hlaut Sjálfstæðisflokkurinn 41.143 atkvæði - 19,4% og 14 þingmenn kjörna á Alþingi Íslendinga, tveimur færri en í kosningunum 2021. Hér í Norðausturkjördæmi hlaut Sjálfstæðisflokkurinn tvo þingmenn kjörna; Jens Garðar Helgason og Njál Trausta Friðbertsson - 3.652 atkvæði, 15%. Við þökkum kærlega þeim sem studdu flokkinn hér í Norðausturkjördæmi og lögðu sitt af mörkum í kosningabaráttunni til að tryggja áfram inn tvo þingmenn.

Rafræn útgáfa af Íslendingi, blaði Sjálfstæðisflokksins í Norðausturkjördæmi, hefur verið gefin út í tilefni alþingiskosninganna á laugardag. Þar eru greinar eftir efstu frambjóðendur á lista flokksins, myndir úr kosningabaráttunni - upplýsingar um kosningakaffi og kosningavökur og önnur mikilvæg atriði sem tengjast kosningunum.

Bæjarmálafundur Sjálfstæðisflokksins á Akureyri verður haldinn í Geislagötu 5 mánudaginn 2.desember kl. 17:30 í Geislagötu 5, 2. hæð (gengið inn að norðan). Rætt um helstu áherslur í fjárhagsáætlun Akureyrarbæjar 2025-2028 og breytingar milli umræðna (seinni umræða fer nú fram í bæjarstjórn), farið yfir úrslit alþingiskosninga 30. nóvember sl. og helstu mál á dagskrá bæjarstjórnarfundar. Allir velkomnir - heitt á könnunni.

Alþingiskosningar fara fram í dag. Hér má finna upplýsingar um kjörstaði í kjördæminu, kosningakaffi og kosningavökur Sjálfstæðisflokksins í Norðausturkjördæmi. Hér á Akureyri er venju samkvæmt kosið í Verkmenntaskólanum kl. 9:00 til 22:00. Kosningakaffi verður í Geislagötu 5 milli kl. 10:00 og 17:00 og kosningavaka verður þar frá kl. 21:30.

Pizzahádegi Varðar verður haldið miðvikudaginn 27. nóvember kl. 11:30-13 á kosningaskrifstofunni í Geislagötu 5, jarðhæð. Pizzur í boði Varðar, fus á Akureyri. Hlökkum til að sjá ykkur!

Málfundafélagið Sleipnir boðar til funda með efstu frambjóðendum á lista Sjálfstæðisflokksins í Norðausturkjördæmi til að ræða kosningamálin á kosningaskrifstofunni í Geislagötu 5. Berglind Harpa Svavarsdóttir, varaþingmaður og oddviti Sjálfstæðisflokksins í Múlaþingi, og Telma Ósk Þórhallsdóttir, háskólanemi, sem skipa 3. og 5. sætið, verða gestir á fundi þriðjudaginn 26. nóvember kl. 18:00. Allir velkomnir - heitt á könnunni

Kótilettukvöld Sjálfstæðisflokksins verður haldið í Golfskálanum á Akureyri miðvikudaginn 27. nóvember. Heiðursgestur kvöldsins er Bjarni Benediktsson, forsætisráðherra og formaður Sjálfstæðisflokksins. Frambjóðendur þjóna til borðs. Húsið opnar klukkan 18:00 og borðhald hefst klukkan 19:00.