Þórhallur Jónsson (1. - 6. sæti)

Þórhallur Jónsson, kaupmaður, gefur kost á sér í 1. - 6. sæti í röðun Sjálfstæðisflokksins á Akureyri 3. febrúar nk.

Þórhallur er uppalinn á Brekkunni. Hann er kvæntur Ingu Vestmann og eiga þau saman þrjú börn. Hann nam rafeindavirkjun við VMA og Iðnskólann í Reykjavík.

Þórhallur og Inga eiga og reka Pedrómyndir ehf. Þórhallur hefur starfað við verslun og þjónustu í yfir 35 ár.

Þórhallur var formaður Sjálfstæðisfélags Akureyrar 2016-2018 en hefur setið í stjórn félagsins frá 2014. Auk þess er Þórhallur formaður Miðbæjarsamtakanna og situr í stjórn Kaupmannafélags Akureyrar og komið að ýmsu öðru félagsstarfi auk þess.

Þórhallur hefur mikinn áhuga á framtíð og uppbyggingu Akureyrar sem höfuðstaðar Norðurlands og ferðamannabæjar.