Fréttir

Bjarni Benediktsson, formaður Sjálfstæðisflokksins, verður forsætisráðherra í ríkisstjórn Sjálfstæðisflokksins, Framsóknarflokksins og VG. Þórdís Kolbrún Reykfjörð Gylfadóttir, varaformaður Sjálfstæðisflokksins, tekur að nýju við embætti utanríkisráðherra.

Málfundafélagið Sleipnir heldur umræðufund í Geislagötu 5 laugardaginn 13. apríl kl. 11:00. Í fundarbyrjun er horft á ávarp Bjarna Benediktssonar, forsætisráðherra, á fundi á Hilton í Reykjavík. Að því loknu hefst fundur hjá okkur. Berglind Ósk Guðmundsdóttir, alþingismaður, og Bryndís Haraldsdóttir, alþingismaður og forseti Norðurlandaráðs, flytja þar framsögu um menntamál og svara fyrirspurnum.

Í dag eru 75 ár síðan Bjarni Bene­dikts­son eldri und­ir­ritaði Atlants­hafs­sátt­mál­ann fyr­ir Íslands hönd. Ísland var meðal tólf stofn­ríkja Nató-banda­lags­ins, en á þeim tíma voru hörm­ung­ar seinni heims­styrj­ald­ar­inn­ar enn í fersku minni og vax­andi spennu farið að gæta milli lýðræðis­ríkja í vestri og alræðis­ríkja und­ir ægi­valdi Sov­ét­ríkj­anna í austri. Bjarni Benediktsson, utanríkisráðherra, fer yfir mikilvægi Nató í grein.

Sjálfstæðisflokkur og Framsóknarflokkur hafa myndað meirihluta í bæjarstjórn Fjarðabyggðar. Með því nær Sjálfstæðisflokkurinn í fyrsta skipti þeim merka áfanga að vera í meirihlutasamstarfi samtímis í öllum sveitarfélögum, þar sem hann bauð fram í sveitarstjórnarkosningum, í Norðausturkjördæmi.

Bæjarmálafundur Sjálfstæðisflokksins á Akureyri verður haldinn í Geislagötu 5 (gengið inn að norðan) mánudaginn 18. mars kl. 17:30. Farið verður yfir helstu mál sem verða á dagskrá bæjarstjórnarfundar. Rætt um málefni hafnarinnar, Fallorku og öldungaráðs. Allir velkomnir - heitt á könnunni.

26 oddvitar Sjálfstæðisflokksins í sveitarstjórnum landsins skrifa í dag grein um óboðleg vinnubrögð Heiðu Bjargar Hilmarsdóttur, formanns Sambands íslenskra sveitarfélaga, í nýlokinni kjarasamningagerð. Heimir Örn Árnason, oddviti Sjálfstæðisflokksins á Akureyri, er einn þeirra sem stendur að greininni.

Aðalfundur Kjördæmisráðs Sjálfstæðisflokksins í Norðausturkjördæmi var haldinn á Akureyri í dag. Þórhallur Harðarson var endurkjörinn formaður kjördæmisráðs.