Fréttir

Njáll Trausti Friðbertsson, alþingismaður, er gestur Guðfinns Sigurvinssonar í Pólitíkinni, podcast-þætti Sjálfstæðisflokksins, í dag. Þar er rætt um langþráð baráttumál Njáls Trausta - skosku leiðina, nýja aðgerð stjórnvalda til að lækka fargjöld í innanlandsfluginu sem kemur til móts við íbúa á landsbyggðinni.

Umdeild skipulagstillaga á Oddeyri var til umræðu í bæjarstjórn Akureyrar í gær. Þar lögðu bæjarfulltrúar Sjálfstæðisflokksins fram bókun um að sú aðalskipulagsbreyting sem væri til umræðu færi í íbúakosningu áður en hún yrði endanlega afgreidd, og tóku undir bókun um að hæð bygginga á reitnum geti orðið allt að 25 metrar yfir sjávarmáli sem samsvarar um 23 metrum frá jörðu.

Málfundafélagið Sleipnir boðar til umræðufundar í Kaupangi þriðjudaginn 15. september kl. 20:00. Njáll Trausti Friðbertsson, alþingismaður, flytur framsögu og svarar fyrirspurnum. Rætt um skosku leiðina í innanlandsfluginu, framkvæmdir á Akureyrarflugvelli, atvinnumálin og stöðuna í pólitíkinni í upphafi þingvetrar, en Alþingi kemur saman að nýju 1. október nk.

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 14. september kl. 17:30. Rætt verður td um málefni lögreglunnar á Norðurlandi eystra í kjölfar lokunar fangelsins á Akureyri, árshlutareikning Akureyrarbæjar 2020, niðurstöðu starfshóps um forgangsröðun framkvæmda íþróttamannvirkja, framgang íþróttastefnu Akureyrarbæjar og skipulagsmál. Gætt verður að sóttvörnum og fjöldi fundarmanna takmarkaður ef þess mun gerast þörf.

Njáll Trausti Friðbertsson, alþingismaður, skrifar í grein í Morgunblaðinu í dag um tvö mikilvæg framfaramál sem hann hefur unnið ötullega að - Demantshringinn og skosku leiðina í innanlandsfluginu.

Í dag er ánægjulegur dagur í pólitíkinni. Frá og með deginum í dag þá hefur skosku leiðinni verið komið í gagnið undir heitinu Loftbrú. Njáll Trausti Friðbertsson, alþingismaður og lykilmaður í þróun verkefnisins, skrifar um skosku leiðina í grein hér á Íslendingi.

Demantshringurinn, 250 kílómetra ferðamannaleið sem tengir saman fjölda áfangastaða á Norðurlandi, var opnaður með formlegum hætti á Dettifossvegi í gær.