Fréttir

Njáll Trausti Friðbertsson, alþingismaður, var kjörinn varaformaður utanríkismálanefndar á þingfundi á þriðjudag. Njáll Trausti mun áfram sitja í atvinnuveganefnd og sem formaður Íslandsdeildar Nató-þingsins samhliða því en verður varamaður í fjárlaganefnd í stað þess að vera aðalmaður.

Boðað er til fundar í fulltrúaráði sjálfstæðisfélaganna á Akureyri þriðjudagskvöldið 20. október kl. 19:00 á Zoom. Rætt verður um meirihlutasamstarf allra framboða í bæjarstjórn Akureyrar..

Kristján Þór Júlíusson, sjávarútvegs- og landbúnaðarráðherra, tjáði sig í Bítinu á Bylgjunni í morgun um ummæli sem hann lét falla um málefni sauðfjárbænda í umræðum um fjármálaáætlun í þinginu og hafa vakið nokkra athygli. Kristján Þór segir að ummælin hafi verið slitin úr samhengi í umræðunni og honum séu eignuð viðhorf sem hann kannist ekki við.

Á fundi bæjarstjórnar Akureyrar í dag tók Sjálfstæðisflokkurinn við formennsku í frístunda- og skipulagsráði Akureyrarbæjar. Eva Hrund Einarsdóttir verður formaður frístundaráðs og Þórhallur Jónsson verður formaður í skipulagsráði.

Bæjarmálafundur Sjálfstæðisflokksins á Akureyri verður haldinn með rafrænum hætti á zoom mánudaginn 5. október kl. 17:30 í ljósi hertra samkomutakmarkana. Rætt verður td um samstarfssáttmála allra framboða í bæjarstjórn Akureyrar, kosningu í nefndir og ráð, stöðu mála í fjárhagsáætlunarvinnu, snjómokstur og skipulagsmál. Allir velkomnir.

Bjarni Benediktsson, fjármálaráðherra og formaður Sjálfstæðisflokksins, ræddi um áskoranir og verkefnin framundan í baráttunni við covid-19 í ávarpi sínu í umræðu um stefnuræðu forsætisráðherra á Alþingi að kvöldi 1. október.