Fréttir

Mánudaginn 11. febrúar kl. 12:00 verður þingflokkur Sjálfstæðisflokksins með súpufund í Menningarhúsinu Hofi. Þar gefst fólki einstakt tækifæri til að hitta alla þingmenn flokksins og ræða það sem skiptir máli.

Aðalfundur Varðar, félags ungra sjálfstæðismanna á Akureyri, var haldinn í Kaupangi á þriðjudagskvöld. Ívar Breki Benjamínsson var kjörinn formaður Varðar - Ívar hefur gegnt formennsku í félaginu síðan í haust.

Aðalfundur Málfundafélagsins Sleipnis var haldinn í Kaupangi á fimmtudagskvöld. Stefán Friðrik Stefánsson var endurkjörinn formaður Sleipnis - hann hefur gegnt formennsku frá 2011 og var áður varaformaður og ritari Sleipnis auk þess að vera formaður Varðar.

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 4. febrúar kl. 17.30. Rætt td um stefnuræðu formanns skipulagsráðs, samgönguáætlun - veggjöld, húsnæðistillögur ríkisstjórnarinnar og stjórnsýsluheiti Akureyrar. Sjálfstæðismenn á Akureyri eru hvattir til að mæta og ræða bæjarmálin.