Fréttir

Aðalfundur Varðar, félags ungra sjálfstæðismanna á Akureyri, var haldinn í Kaupangi í kvöld. Hjörvar Blær Guðmundsson var kjörinn formaður Varðar, í stað Pálma Þorgeirs Jóhannssonar sem gaf ekki kost á sér til endurkjörs. Nýkjörinni stjórn Varðar er óskað til hamingju með kjörið og góðs gengis í félagsstörfum á næsta starfsári.

Aðalfundur Málfundafélagsins Sleipnis verður haldinn í Kaupangi við Mýrarveg fimmtudaginn 18. janúar kl. 19:30. Á dagskrá fundarins verða venjuleg aðalfundarstörf.

Fjórtán einstaklingar gefa kost á sér til röðunar við val á sex efstu sætum framboðslista Sjálfstæðisflokksins á Akureyri við sveitarstjórnarkosningar 26. maí nk, en framboðsfrestur rann út í dag. Kosning fer fram á fundi aðal- og varamanna í fulltrúaráði laugardaginn 3. febrúar en kjörnefnd mun gera tillögu um skipan listans í heild sinni að því loknu.

Í upphafi nýs árs, kosningaárs í bæjarmálunum, fer Gunnar Gíslason, bæjarfulltrúi og oddviti Sjálfstæðisflokksins á Akureyri, yfir liðið ár og horfir fram á veginn.