Fréttir

Súpufundur með Bjarna Benediktssyni, fjármálaráðherra og formanni Sjálfstæðisflokksins, verður haldinn í kosningaskrifstofu Sjálfstæðisflokksins í Strandgötu 3 mánudaginn 24. október kl. 12:00. Allir velkomnir.

Bæjarmálafundur Sjálfstæðisflokksins á Akureyri verður haldinn á kosningaskrifstofunni í Strandgötu 3, mánudaginn 17. október kl. 17:30. Rætt um stöðu bæjarmálanna, einkum vinnu við fjárhagsáætlun fyrir árið 2017. Hvetjum alla til að mæta og ræða bæjarmálin.

Kosningaskrifstofa okkar sjálfstæðismanna er opin í Strandgötu 3. Opið verður virka daga kl. 13:00 til 18:00 og laugardaga 11:00 til 16:00.

Halldór Blöndal, fyrrum ráðherra og alþingismaður, var gestur á fundi hjá Málfundafélaginu Sleipni á kosningaskrifstofunni í morgun. Á fundinum tilkynnti Stefán Friðrik Stefánsson, formaður, um þá ákvörðun stjórnar að gera Halldór að heiðursfélaga í Sleipni.

Spjallfundur um pólitíkina og málefni eldri borgara verður haldinn í kosningaskrifstofunni að Strandgötu 3 laugardaginn 8. október kl. 11:00. Halldór Blöndal, formaður Samtaka eldri sjálfstæðismanna, flytur ræðu og svarar fyrirspurnum. Boðið upp á morgunhressingu - allir velkomnir.

Sjálfstæðisflokkurinn í Norðausturkjördæmi opnar kosningaskrifstofu sína í Strandgötu 3 á Akureyri föstudaginn 7. október kl. 20:00. Léttar veitingar í boði. Hittumst öll og eigum saman góða stund við upphaf kosningabaráttunnar.

Boðað er til bæjarmálafundar í Kaupangi mánudaginn 3. október kl. 17:30. Þar verður dagskrá bæjarstjórnarfundar 4. október kynnt og málin rædd. Þar verða m.a. kynntar tillögur um stjórnkerfisbreytingar sem finna má undir fundargerð bæjarráðs 29.09.2016 á vef Akureyrarbæjar, einnig verða til umfjöllunar viðaukar við fjárhagsáætlun, skipulagsmál o.fl.