Fréttir

Landsfundur Sjálfstæðisflokksins hefst á föstudag. Þann dag koma landsfundarfulltrúar úr Norðausturkjördæmi saman í hádegisverði og gleðskap um kvöldið. Hér eru nánari upplýsingar.

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 19. október kl. 17:30. Bæjarfulltrúar flytja framsögu um bæjarmálin - nefndarmenn gera grein fyrir stöðu mála í sínum nefndum. Sjálfstæðismenn á Akureyri eru eindregið hvattir til að mæta og ræða bæjarmálin.

Vörður, félag ungra sjálfstæðismanna á Akureyri, hefur hafið sölu á bindisnælum með fálkanum, merki Sjálfstæðisflokksins, í. Félagið lét framleiða nælurnar og mun allur ágóði sölunnar renna til félagsstarfs ungra sjálfstæðismanna á Akureyri. Silfruð bindisnæla kostar 2.500 kr. og gyllt bindisnæla kostar 3.000 kr.

42. landsfundur Sjálfstæðisflokksins verður haldinn helgina 23. - 25. október, í Laugardalshöll í Reykjavík. Undirbúningsfundur fyrir landsfundarfulltrúa frá Akureyri verður haldinn í Kaupangi mánudagskvöldið 19. október kl. 19:15, á eftir bæjarmálafundi. Þar verða kjörbréf afhend og rætt um helstu atriði tengd landsfundinum.

Guðlaugur Þór Þórðarson, alþingismaður og ritari Sjálfstæðisflokksins, fer yfir ríkisfjármálin og svarar fyrirspurnum á hádegisfundi í Kaupangi þriðjudaginn 6. október kl. 12:00. Allir velkomnir. Boðið upp á hádegishressingu.

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 5. október kl. 17:30. Fyrir fundinum liggur m.a. umræða um menningarsamninga. Þá verður farið yfir málefni skólanefndar og stjórnar Akureyrarstofu ásamt því að vinna við nýtt skipulag á Oddeyri verður kynnt. Sjálfstæðismenn á Akureyri eru eindregið hvattir til að mæta og ræða bæjarmálin.

Bjarni Benediktsson, formaður Sjálfstæðisflokksins og fjármálaráðherra fer yfir stjórnmálaviðhorfið, störfin á Alþingi framundan og landsfund á opnum hádegisfundi á Akureyri. Fundurinn verður í Kaupangi kl. 12:00-13:15 miðvikudaginn 30. september. Allir velkomnir.  Boðið verður upp á súpu og brauð.