Fréttir

Pét­ur H. Blön­dal, alþingismaður Sjálfstæðisflokksins í Reykjavík, lést að kvöldi 26. júní, 71 árs að aldri. Pétur hafði setið sem þingmaður Reykvíkinga frá árinu 1995.

Halldór Halldórsson, blaðamaður, lést 11. júní sl. Halldór var ritstjóri Íslendings, blaðs Sjálfstæðisflokksins á Akureyri, á árunum 1982-1984.

Hátíðarfundur var haldinn í bæjarstjórn Akureyrar í dag í tilefni 100 ára kosningaréttar kvenna 19. júní nk. Fundinn sátu aðeins kvenkyns aðal- og varamenn í bæjarstjórn. Konum sem setið hafa í bæjarstjórn gegnum tíðina var boðið sérstaklega til fundarins af þessu tilefni. Eva Hrund Einarsdóttir, Bergþóra Þórhallsdóttir og Þórunn Sif Harðardóttir sátu fundinn sem bæjarfulltrúar Sjálfstæðisflokksins.

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 15. júní kl. 17:30. Bæjarfulltrúar flytja framsögu um bæjarmálin - nefndarmenn gera grein fyrir stöðu mála í sínum nefndum. Sjálfstæðismenn á Akureyri eru eindregið hvattir til að mæta og ræða bæjarmálin.

Hverfisgöngur verða í miðbæ og Hrísey á næstunni. Fimmtudaginn 11. júní göngum við um Miðbæinn - hittumst við Akueyrarkirkju kl. 16:00. Við fáum okkur hressingu á Múlabergi eftir gönguna. Föstudaginn 12. júní göngum við um Hrísey - hittumst við Hríseyjarskóla kl. 17:00. Allir eru velkomnir - okkur langar til að hitta þig, heyra hvað þú hefur að segja um hverfið þitt: hver staðan er á göngustígum, umferðaröryggi, leikvöllum, í skipulagsmálum og öðru mikilvægu.