Flýtilyklar
Fréttir
Okkar Akureyri
01.05.2014 |
Slagorð Sjálfstæðisflokksins á Akureyri í sveitarstjórnarkosningum 31. maí nk. er Okkar Akureyri. Í grein fjallar Eva Hrund Einarsdóttir, sem skipar 2. sætið á framboðslista Sjálfstæðisflokksins, um slagorðið og þau baráttumál sem munu einkenna Okkar Akureyri í vor.
Opnun kosningaskrifstofu
29.04.2014 |
Sjálfstæðisflokkurinn á Akureyri opnar kosningaskrifstofu sína að Strandgötu 3 föstudaginn 2. maí kl. 18:00. Boðið verður upp á léttar veitingar. Við hvetjum sjálfstæðismenn á Akureyri og bæjarbúa alla til að mæta við opnunina og fylkja liði með frambjóðendum okkar í kosningabaráttunni í vor.
Hverfisganga í Hrísey
24.04.2014 |
Frambjóðendur verða á ferð í Hrísey laugardaginn 26. apríl og munu kynna sér stöðu mála þar. Hverfisganga verður kl. 14:00, komið verður saman við Hríseyjarskóla - farið í góðan göngutúr með hverfisnefnd Hríseyjar. Að lokinni göngu verður fundað með heimamönnum og við munum svo snæða kvöldverð á veitingastaðnum Brekku fyrir brottför kl. 21:00.
Vöfflukaffi á sumardaginn fyrsta
22.04.2014 |
Sjálfstæðismenn á Akureyri munu fagna sumarkomu með því að koma saman í vöfflukaffi í Kaupangi á sumardaginn fyrsta, 24, apríl, frá kl. 15:00. Frambjóðendur Sjálfstæðisflokksins á Akureyri munu baka vöfflur og ræða kosningamálin við kjósendur. Hvetjum alla til að mæta og fagna sumarkomu með okkur og um leið upphafi formlegrar kosningabaráttu fyrir kosningar 31. maí nk.
Stefán Friðrik leggur fram bókun í skipulagsnefnd
19.04.2014 |
Á fundi skipulagsnefndar 16. apríl sl. var afgreidd aðalskipulagsbreyting og deiliskipulagstillaga um miðbæ Akureyrar, byggt á tillögu að miðbæjarskipulagi. Stefán Friðrik Stefánsson, áheyrnarfulltrúi Sjálfstæðisflokksins í skipulagsnefnd, lagði fram bókun við afgreiðslu deiliskipulagstillögunnar þar sem þrenging Glerárgötu og staðsetning umferðarmiðstöðvar er gagnrýnd og lýst yfir áhyggjum af tilhögun bílastæðamála í tillögunni.
Bæjarstjórn samþykkir bókun um málefni Reykjavíkurflugvallar
19.04.2014 |
Bæjarstjórn Akureyrar samþykkti samhljóða á fundi sínum, þriðjudaginn 15. apríl, bókun sem Njáll Trausti Friðbertsson, varabæjarfulltrúi Sjálfstæðisflokksins á Akureyri, lagði fram um málefni Reykjavíkurflugvallar.
Yfirlýsing frá frambjóðendum Sjálfstæðisflokksins á Akureyri
14.04.2014 |
Frambjóðendur Sjálfstæðisflokksins á Akureyri í sveitarstjórnarkosningum 31. maí nk. hafa sent frá sér yfirlýsingu þar sem fram kemur að lagt verði til að auglýst verði eftir bæjarstjóra á Akureyri komi Sjálfstæðisflokkurinn að meirihlutamyndun eftir kosningar í vor.