Flýtilyklar
Tíu gefa kost á sér í röðun á kjördæmisþingi 3. september
Framboðsfrestur í röðun á kjördæmisþingi Sjálfstæðisflokksins í Norðausturkjördæmi um næstu helgi rann út í gær, 29. ágúst.
Tíu gáfu kost á sér. Kosið verður um sex efstu sæti framboðslistans á þinginu á laugardag en kjörnefnd gerir tillögu um skipan listans í heild að því loknu.
Í framboði eru: (innan sviga er sæti sem viðkomandi gefur kost á sér í)
Arnbjörg Sveinsdóttir, bæjarfulltrúi og fyrrum alþingismaður, Seyðisfirði (3.)
Daníel Sigurður Eðvaldsson, fjölmiðlafræðingur, Akureyri (5. -6.)
Elvar Jónsson, laganemi og varaformaður SUS, Akureyri (4.)
Ingibjörg Jóhannsdóttir, nemi, Dalvíkurbyggð (2. - 5.)
Ketill Sigurður Jóelsson, nemi, Akureyri (4.)
Kristján Þór Júlíusson, heilbrigðisráðherra, Akureyri (1.)
Melkorka Ýrr Yrsudóttir, nemi, Akureyri (4. - 6.)
Njáll Trausti Friðbertsson, bæjarfulltrúi og flugumferðarstjóri, Akureyri (2.)
Valdimar O. Hermannsson, bæjarfulltrúi, Fjarðabyggð (3.)
Valgerður Gunnarsdóttir, alþingismaður, Húsavík (2.)