Einar Freyr Guðmundsson - framboðskynning

Einar Freyr Guðmundsson, menntaskólanemi, Egilsstöðum, gefur kost á sér í 5. sæti í prófkjöri Sjálfstæðisflokksins í Norðausturkjördæmi, 29. maí nk.

• Ferilskrá
• Facebook-síða
• efgudmundsson@gmail.com

Einar Freyr Guðmundsson er fæddur 27. mars 2003 og er því 18 ára gamall. 

Höfuðáherslur Einars felast í því að auka áhuga ungs fólks á stjórnmálum og gera það virkara í þjóðfélagsumræðunni. Hann vill að ungt fólk taki aukinn þátt í starfi Sjálfstæðisflokksins og telur það vera meginforsendu bjartar framtíðar flokksins. Hann vill að fleira fólk uppgötvi ágæti sjálfstæðisstefnunnar og grunngilda flokksins.  

Einar er nemandi við Menntaskólann á Egilsstöðum. Hann hefur frá árinu 2017 setið í ungmennaráði, fyrst ungmennaráði Fljótsdalshéraðs og síðar í ungmennaráði Múlaþings. Frá árinu 2019 hefur hann starfað sem formaður beggja ráða og var einnig liðsstjóri mælsku- og rökræðuliðs ME á núverandi skólaári. Helstu áhugamál Einars eru bakstur og allt sem tengist stjórnmálum.  

Þessa stundina standa Íslendingar á krossgötum og forsenda bjartar efnahagslegrar framtíðar er að Sjálfstæðisflokkurinn fái góða kosningu í haust. Til þess að það geti gerst þurfa framboðslistar flokksins að vera sterkir og endurspegla kjósendahópinn sem best. Það eru mikil sóknarfæri hjá Sjálfstæðisflokknum í Norðausturkjördæmi til að ná betur til ungs fólks. Þessi sóknarfæri þarf að grípa. 

Áfram Norðausturkjördæmi!